Ўзбекистон мусулмонлари идораси раиси, муфтий Нуриддин Холиқназаров интернетдан тўғри фойдаланиш кераклиги ҳақида фикр билдирди.
«Аллоҳнинг неъматларини санаб адоғига ета олмаймиз. Ҳозир энг катта неъматлардан бири — интернет. Аммо бу неъматдан тўғри фойдаланмаслик офат, бало. Бугун ҳамма интернетдан фойдаланади. Лекин ундан тўғри, эзгу мақсадларда фойдаланиш керак.
Пайғамбаримиз соллаллоҳу алайҳи васалламнинг буюк ҳадислари бор: «Инсон боласи борки қиёматда қуйидаги нарсалардан сўралмасдан туриб бир қадам ҳам босолмайди». Яъни, Аллоҳ мана шу саволларга жавоб олмасдан туриб бизнинг бир қадам ҳам ҳаракатланишимизга йўл қўймайди. Уларнинг биринчиси — умрингни нимага сарфладинг?
Агар шу савол қалбимизда бўлса, интернетдан эзгулик мақсадида фойдаланамиз. Акс ҳолда бу умримиз исрофи», — дея таъкидлади муфтий ҳазрат.