Махсус имкониятлар
Ургут туманида замонавий маиший техника маҳсулотлари ишлаб чиқаришга ихтисослашган “Сам электрор сервис” МЧЖ шаклидаги корхона ишга туширилди.
Лойиҳа қиймати 4,0 миллион доллар бўлган мазкур корхона йилига 120 000 дона маиший техника воситалари ишлаб чиқариш қувватига эга. Корхонада дастлаб газ плита ва микротўлқинли печ ишлаб чиқариш йўлга қўйилиб, 60 та янги иш ўрни яратилди.
Лойиҳага мувофиқ навбатдаги босқичида корхонанинг Туркиялик ҳамкорлари томонидан 500,0 минг АҚШ доллари миқдорида чет эл инвестицияси киритиши белгиланган бўлиб, музлатгич, кондиционер, кир ювиш машинаси ва чангютгич каби маиший техника маҳсулотлари ишлаб чиқариш тармоқларини босқичма-босқич ишга тушириш белгиланган. Лойиҳа тўлиқ қувват билан ишга туширилгач жами 120 нафар ургутлик фуқароларни иш билан бандлиги таъминланади.
