Янгиликлар

XOTIN-QIZLAR HUQUQIY MADANIYATINI OSHIRILISHGA QARATILGAN TADBIRLAR

Fuqarolik ishlari boʻyicha Urgut tuman sudining raisi T.Rustamov va sudyasi F.Muxtarovlar tomonidan tuman hokimligida seminar oʻtkazildi.

Seminarda Oilalarni mustahkamlash, xotin-qizlarning qonuniy huquq va manfaatlarini himoya qilish, yosh avlodni barkamol qilib tarbiyalash, huquqbuzarliklarning oldini olish, notinch oilalarda sogʻlom muhitni barqarorlashtirish, huquqbuzarlik sodir etishga moyil xotin-qizlarni sogʻlom turmush tarziga qaytarish haqida soʻz yuritildi.

Tadbir doirasida sayyor sud majlisi ham boʻlib oʻtdi.

BAYRAM TADBIRI

Tumanimizdagi, "Bogʻi farishta" bazmgohida respublikamizda "Koʻzi ojizlar" jamiyatining tashkil etilganligiga 90 yil toʻlganligi munosabati bilan tadbir oʻtkazildi. Unda yuzdan ortiq jamiyat aʼzolari, tuman hokimligi, "Mehr saxovat" jamiyati va boshqa homiy tashkilotlar ishtirok etdi.

Tuman hokimi oʻrinbosari Asqar Eshonqulov, tuman koʻzi ojizlar jamiyati raisi Zoyir Azimov, tuman nogironlar jamiyati raisi Qosim Qodirovlar soʻzga chiqdi.

Tadbir ishtirokchilari bir piyola choy ustida dildan suhbat qurdilar. Sanʼatkorlarning diltortar qoʻshiqlari barchani xushnud etdi.

Gʻoyibota mahallasida yashovchi 122 yoshni qarshilagan Olimova Ulugʻ ona holidan xabar olindi

 

"Qarisi bor uyning parisi bor", deydilar. Darhaqiqat, keksalar – uyimizning koʻrki, qalbimizni munavvar qilib turguvchi chirogʻi, beminnat duogoʻyimiz, pand-nasihatlari bilan umrimizni yorituvchi quyoshidir.

Xotir va qadrlash kuni munosabati bilan, hokimlik masʼullari tumanimizdagi Gʻoyibota mahallasida yashovchi 122 yoshni qarshilagan Olimova Ulugʻ onaxoning xonadonida boʻlishdi.

Tuman hokimining birinchi oʻrinbosari U.Kamolov Ulugʻ onani bayram bilan tabriklab, sovgʻa salomlar ulashib, onaxonga sihat-salomatlik tiladi. 

2015-2022 © Ургут туман ҳокимлиги. Сайт яратувчиси: SAKTRM
95x15