Ургут маданият ва истироҳат боғида туманимизнинг барча қишлоқ ва маҳаллалари, мактаб, коллежларидан келган минглаб ёшлар жамулжам бўлди.
Бир томонда 1-болалар-ўсмирлар спорт мактаби тарбияланувчилари, ёш боксчилар, каратэ, таэквондо, дзю-до секцияси аъзолари ўз маҳоратини намойиш қилган бўлса, иккинчи томонда “Баркамол авлод” болалар маркази томонидан ҳунармандчилик, тикувчилик, тасвирий санъат намуналари кўргазмаси иштирокчилар эътиборига тақдим этилди.

Ургутнинг табиий сўлим гўшалари, пурвиқор тоғлари, сой ва шаршаралари туризмни кенг йўлга қўйишга қулай имконият яратади. Қадимий гўшанинг ўзига хос урф-одат ва анъаналари, миллий ҳунармандчилик буюмлари ҳам жаҳонда машҳур. 

Туманимиздаги бой тарихга эга қадамжолар, муқаддас зиёратгоҳлар ҳудудда зиёрат туризмини ривожлантириш, нафақат маҳаллий балки, хорижлик сайёҳлар оқимини кенгайтириш имконини беради. 

Сўнгги вақтларда тўйлар ҳақида кўп гапирадиган бўлиб қолдик. Буни тўйларнинг фақат шахсий ёки оилавий эмас, балки, ижтимоий масала экани билан изоҳласак, тўғри бўлади. 

Дабдабабозлик, исрофгарчилик билан ўтказиладиган тўй ва бошқа маросимлар кибр-ҳаво, манманликнинг ошкора намойиши ўлароқ, ижтимоий адолат тамойилларига мос келмайди.

Бугун юртимизда маҳалла институти халқчил тузилма сифатида шаклланиб, амалга оширилаётган кенг кўламли ислоҳотлардаги фаол иштироки билан жамиятимиз ҳаётида мустаҳкам ўрин эгалламоқда. Давлатимиз раҳбарининг 2017 йил 3 февралдаги “Маҳалла институтини янада такомиллаштириш чора-тадбирлари тўғрисида”ги Фармони бу борадаги саъй-ҳаракатларга янгича куч бағишлади.