Умумий ўрта таълим мактаблари жамоалари ўртасида спортнинг волейбол туридан қиз болалар жамоалари ўртасида «Ёшлик спорт жамоалари» спорт мусобақаларининг вилоят босқичи ўтказилди.
Жорий йилнинг 6-7 май кунлари Қўшработ туманида юқори савияда ташкил этилган ва ўтказилган мусобақа якунида 1-ўринни Ургут тумани 48-умумтаълим мактаби жамоаси эгаллаб мусобақанинг республика босқичига иштирок этиш ҳуқуқини қўлга киритди.
2-ўринни Нуробод тумани 2-умумтаълим мактаби жамоаси эгаллаган бўлса 3-ўринни Қўшработ тумани 53-умумтаълим мактаби жамоаси эгаллади.
Мусобақа ғолиб ва совриндорлари «Ёшлик» жисмоний тарбия ва спорт жамияти Самарқанд вилояти бўлими томонидан диплом, медаль ҳамда эсдалик совғалари билан тақдирланди.