Samarqand viloyati Urgut tumanidagi “Sam elektro servis” MCHJ tomonidan gaz plitalar uchun metal panjara ishlab chiqaruvchi kichik korxona ishga tushirildi. 

Yillik quvvati 190 ming dona boʻlgan mahsulotlar dastavval korxona ehtiyojlari uchun, qolaversa boshqa korxonalarga ham kooperatsiya yoʻli bilan yetkazib beradi. Maʼlumki, “Ideal” brendi ostida yiliga 260 ming dona elektr duxovka, 150 ming dona gaz plitalari va ular uchun qoʻshimcha buyumlar ishlab chiqariladi. Korxonaga Turkiya texnologiyasi asosida zamonaviy, energiya tejovchi uskuna va jihozlar keltirib oʻrnatildi.

Ayni kunlarda tumanimiz dehqonlari gʻalla-oʻrim yigʻimi bilan band. Ular mashaqqatlar evaziga yetishtirilgan gʻalla hosilini tez va soz yigʻishtirib olish uchun astoydil ter toʻkishyapti. 

Shuni alohida taʼkidlab oʻtish kerakki, oʻrim mavsumiga har tomonlama zamonaviy kombaynlarning tayyorlab qoʻyilganligi oʻzining natijalarini beryapti. 

#тезкорхабар

Ургутдаги газ қуйиш шахобчаларининг бирида портлаш содир бўлди

14 июнь куни соат 17:40 лар атрофида фуқаро А. бошқарувида бўлган, суюлтирилган газ ташувчи "ЗИЛ-138 ГБА СНГ" русумли автомашина, Ургут туманининг Кенагас маҳалласи ҳудудида жойлашган суюлтирилган газ қуйиш шахобчасига газ тушираётган вақтида портлаш содир бўлган.

Ҳодиса оқибатида ҳайдовчи ва газ шахобчасининг бир нафар ишчиси воқеа жойида вафот этган.

Портлаш сабабларини аниқлаш юзасидан текширув ишлари олиб борилмоқда.

Ургут туманининг сўлим тоғ бағрида жойлашаган “Чорчинор” оромгоҳи 200 дан зиёт  болажонларни қабул қилди.

Оромгоҳ жамоаси бу йилги мавсумга ҳам алоҳида ҳозирлик кўрди. Бино ва иншоатлар, спорт майдонлари муддатидан аввалроқ тахт ҳолга келтирилди. Дам олувчилар учун барча шарт — шароитлар яратилди. 

Болаларни мазмунли дам олишларини таъминлаш учун 50 нафардан зиёд тарбичилар жалб этилган.