Маълумки, Президентимиз ташаббуси билан мамлакатимизда ижтимоий соҳага эътибор кучайтирилмоқда. Жумладан тиббиёт, таълим, ўзини ўзи бошқариш органлари фаолиятини ривожлантириш юзасидан қарор ва фармонлар эълон қилинди.
Шу муносабат билан жорий йил 23 март куни Ургут қурилиш ва миллий ҳунармандчилик коллежида кенгайтирилган йиғилиш бўлди. Унга 400 нафардан ортиқ ижтимоий соҳа раҳбарлари, мутасаддилари таклиф этилдилар.

Қиш уйқусидан кўз очган она табиат янги кунга юз тутди. Димоққа дилни орзиқтирадиган ифор - баҳор нафаси урилади. Кўклам шабадаси уйғотган сабзалар нафис гиламдек кўзни қувнатади. Бодроқдек гуллаган ўрик шохларида, қоқигулларнинг хушбичим ғунчаларида кўклам суврати намоён. Насимлар оғушида жажжи болакайлар зумрад майсалар орасида чучмомоларни теради. Мусаффо осмон бағрида чарх уриб учаётган қалдирғочлар қўшиғи юракларда ажиб ҳислар уйғотади.

Биринчи Президентимиз Ислом Каримов бошлаган ишни муваффақиятли давом эттираётган Шавкат Мирзиёев Ўзбекистон Республикасининг Президенти этиб сайлангандан буён кун сайин катта ўзгаришларга юз тутаётган юртимизни янада ривожлантиришга қаратилган ўндан зиёд Фармон ва муҳим қарорлар қабул қилинди. У кишининг ташаббуси билан амалдаги йил “Халқ билан мулоқот ва инсон манфаатлари йили” деб эълон қилинди. 

Халқимиз атроф-муҳитга ижобий муносабатда, ён-атрофни тоза-озода, покиза сақлашга жиддий эътибор қаратади. Ободлик - уй, ҳовли, кўчаю маҳалла озодалиги, орасталиги билан белгиланади. Наврўз байрами арафасида туманимизда амалга оширилаётган ҳашарлар, тадбирлар бунинг яққол исботидир.