Энг улуғ, энг азиз байрамимиз - Ўзбекистон Республикаси давлат мустақиллигининг 27 йиллиги нишонланаётган файзли кунларда Каттақўрғон тумани сари йўл олдик. Ҳамроҳларимиз - вилоят, шаҳар ва туманлар газеталарининг муҳаррирлари, интернет нашрларининг журналистлари, телевидение мухбирлари ва ёзувчилар уюшмаси аъзолари.

Бугун мамлакатимизнинг барча гўшаларида истиқомат қилаётган ҳамюртларимизнинг юзи ва кўзида ҳаётдан мамнунлик, бахтиёрлик нашидаси акс этган. Халқимиз асрий орзу-интилишларининг, жасоратининг натижаси - мамлакатимиз мустақиллигининг қутлуғ йигирма етти йиллиги кенг нишонланмоқда. 

Бугун бюджет харажатларининг халқимиз учун доимо очиқ бўлишини ва у кишилар манфаати учун хизмат қилишини даврнинг ўзи талаб қилмоқда. Бу талаб муҳтарам Президентимизнинг Олий Мажлисга Мурожаатномасида ҳам қатъий қўйилди. 

Саховатпешалик халқимизга хос азалий қадриятдир. Неча асрлардан бери яшаб келаётган ушбу инсоний фазилат бугунги кунда янгича тарзларда намоён бўлиб, ҳаётимизда мустаҳкамланиб бораётганлиги билан янада қадрлидир.