Жорий йилнинг 12 октябр куни “Yoshlar-kelajagimiz” жамғармаси Самарқанд вилояти туман (шаҳар) филиаллари бош мутахассисларининг “III-ананавий вилоят ўқув семинари” иқтисодий салоҳияти билан юқори ўринларда турувчи вилоятнинг энг чекка Ургут туманида бўлиб ўтди. 

Бугун Самарқанд шаҳри куни муносабати билан Алишер Навоий кўчасида ташкил этилган “Табиат саховати” қишлоқ хўжалик маҳсулотлари ярмаркаси ўз ишини бошлади.

Унда туманлардан келган деҳқон, фермер хўжаликлари ўзлари етиштирган ва ишлаб чиқарган маҳсулотлари билан иштирок этмоқда. Ярмарка 20 октябргача давом этади.

Бугун Ургут тумани ҳокими М.Турдиев, туман Халқ қабулхонаси мудири А. Худойбердиев томонидан сайёр қабул ўтказилди.
Сайёр қабул давомида аҳоли томонидан ички йўлларни таъмирлаш, тадбиркорликни ривожлантириш, янги иш ўринларини яратиш, электр энергияси таъминотидаги камчиликларни бартараф этиш, уй-жой, тиббий хизмат кўрсатиш сифатини яхшилаш сингари масалалар юзасидан мурожаатлар билдирилди.

2019 йил 12 октябрь куни Ўзбекистон Республикаси Адлия вазирлигининг ташаббуси билан аҳолининг ҳуқуқий онги ва ҳуқуқий маданиятини юксалтириш мақсадида республиканинг бутун ҳудудида бир вақтда, шу қатори Самарқанд вилоятида ҳам “Ҳуқуқий билимлар куни” акцияси ўтказилди.